lovebeauty0118的部落格

香港打卡5大熱點推介

人人都話香港無咩地方好去，連放兩日假都要飛轉台灣，但係以下呢啲熱門地點你又去過未？認識香港同時順便打下卡係Instagram呃呃like增加人氣何樂而不為？

第一位：彩虹邨

位於黃大仙區牛池灣，鄰近港鐵彩虹站。佢之所以咁吸引人因為每幢大廈外牆油滿七彩繽紛嘅顏色（紅、橙、黃、綠、青、藍、紫）形成一道彩虹，夢幻得來又帶有香港特色。

第二位：西環泳棚

位於域多利道已有多年歷史嘅西環泳棚以木製橋懷舊復古，大膽行到橋嘅末端感覺就好似置身大海中，清涼舒適，因此假日會吸引特別多嘅攝影愛好者前往打卡。

第三位：海山樓

位於鰂魚涌被五座大廈環環相扣住，迫得密密麻麻，帶出強烈嘅壓迫感，加上外牆用有多種顏色，構圖十分特別，連荷里活大片《變形金剛4》都係呢到取景。

第四位：中環壁畫街

位於嘉咸街，雖然壁畫只係短短五公尺嘅牆面，但卻帶出香港舊有特色因為佢係以九龍城寨為靈感來源嘅塗鴉牆，而且五顏六色的，點影都咁靚！

第五位：南山邨 - 彩虹橋

位於九龍石硤尾，雖有已有40年歷史，但仲保留著舊式風味，以唔同色階嘅綠色鐵欄杆同外牆為題，本來寂寂無名，但憑著多元化嘅構圖引來不少本地人甚至遊客前往打卡。

Tag:

香港, 香港旅遊景點, 打卡熱點, 香港打卡熱點, 彩虹邨, 西環泳棚, 海山樓, 中環壁畫街, 南山邨, 彩虹橋,